ဘ၀မှာ အဆင်ပြေတာလည်း ရှိမယ်...၊ အဆင်မပြေတာလည်း ရှိမယ်..။ သာသနာတော်အတွက်
လုပ်တဲ့အခါမှာ အဖျက်ဆိုတာ ရှိစမြဲပဲ...။ ခံနိုင်ရည်ရှိမှ
အလုပ်အောင်မြင်တယ်ဆိုတဲ့အကြောင်းကို ဇာတ်တော်တွေ တရားတော်တွေကနေ
သာဓကယူကြလို့ရတယ်။...
အများအတွက် ရည်မှန်းထားတဲ့အရာတွေမှာ တစ်ဦးတစ်ယောက်အတွက်နဲ့
အများရရှိမယ့် အကျိုးကျေးဇူးကို စတေးလို့မဖြစ်ဘူး...။
..........................................................................................
လွှတ်ချထားတတ်တဲ့စိတ်ကလေးကိုသာ တကယ်နားလည်လိုက်မယ်ဆိုရင် တို့တတွေရဲ့
စိတ်ညည်းညူစရာတွေ.. အဆင်မပြေမှုတွေ အနည်းငယ်တော့ လျော့နည်းသွားမှာပဲ..။
ဒါကို သိကြလျှက်နဲ့ ဘာလို့အလေးခံပြီး သယ်သွားကြမှာလဲ...။
............................................................................................
သောက-ဆိုတာကို ဆုပ်ကိုင်ထားတုန်းကတော့ လေးမှန်း.. ပူမှန်း ဘယ်သူမှ
မသိကြဘူး၊ သိတဲ့သူရှားတယ်..၊ သိပြီးတော့ စွန့်ပစ်တဲ့သူက
ပိုတောင်ရှားသေးတယ်..။ တကယ်စွန့်ပစ်လိုက်တော့မှ လွတ်လပ်ခြင်း
အေးချမ်းခြင်းအရသာကို တကယ်ခံစားရတာ...။......................
.....................................................................................
တရားဘောင်ထဲမှာ အားလုံးက တန်းတူပါပဲ...။ ဘယ်သူကမှ ထူးခြားပြီး
မြင့်မြတ်တာ.. ယုတ်နိမ့်တာမရှိပါဘူး...။ သဘောထားကြီးလိုက်လို့ တို့တတွေရဲ့
အသားတွေ ပဲ့မသွားပါဘူး..။ မျက်နှာသာဆိုတာ သူများကပေးတာ..၊ သိက္ခာ-ကတော့
ကိုယ်ချမှ ကျတာ...
။...................................................................
ငါးထောင်တစ်ရွက် ဆိုပါစို့....၊ လုံးချေလည်း ငါးထောင်ပဲ...။
လွင့်ပစ်လိုက်လည်း ငါးထောင်ပဲ...၊ ခြေထောက်အောက် တက်နင်းလိုက်လည်း
ငါးထောင်ပဲ...၊ သူ့တန်ဘိုးကို ဘယ်သူမှ ချပစ်လို့မရဘူးလေ...။ အဲဒီတော့
ဦးဇင်းတို့မှာလည်း ကိုယ်ပိုင်တန်ဘိုးတော့ ရှိနေအုံးမှာပဲ...၊
အဲဒီတန်ဘိုးကမှ ကိုယ့်ဘ၀ရဲ့ အရေးအကြီးဆုံး အစိတ်အပိုင်းဖြစ်တာ...
...............................................................................................
ဘယ်လိုပဲဖြစ်ဖြစ် နောက်ဆုံးတော့ ကိုယ်ပိုင်ဆိုင်တာတွေကို
စွန့်လွှတ်ကြရမှာပဲ..။ အချိန်မတန်ခင် ကာလလေးမှာသာ
တွေ့ဆုံခွင်,ပိုင်ဆိုင်ခွင့်တွေ ရနေကြတာလေ..။ သေခြင်းလေးမျိုးထဲက
တစ်မျိုးကြေင့်ပဲဖြစ်ဖြစ်, ကံတရားရဲ့ ဆိုးကျိုးကြောင့်ပဲဖြစ်ဖြစ်
ဆုံးရှုံးရတာကတော့ ဆုံးရှုံးရမှာပဲ…။ အဲဒီအခိုက်အတန့်လေးကို
ရဲရဲဝံ့ဝံ့ရင်ဆိုင်နိုင်ဖို့ ပြင်ဆင်ထားရမယ်…။
…………………………………………………………………………………………………………………….
ကောင်းကင်ပေါ်မှာပဲနေနေ၊ မြေပြင်မှာပဲ သွားသွား၊ ရေအောက်မှာပဲ ငုပ်ငုပ်-
ကိုယ်မလိုချင်တာကို ရတာ, ကိုယ်လိုချင်တာကို မရတာ--- ဒါဟာ လူတိုင်းရဲ့
ကိုယ်ပိုင်ဒုက္ခအိုးလေးတွေပဲ…။ သူများဆီမှာ ရှိတဲ့ကားနဲ့ ကိုယ့်ဆီက
စက်ဘီး-လေးကို နှိုင်းယှဉ်နေရင်တော့ ဝေဒနာတွေတိုးလာတာပဲ အဖက်တင်မယ်။
ကိုယ်တကယ်ဆင်ခြင်ရမှာက ကိုယ်လိုချင်တာတွေဟာ ကိုယ့်အတွက်
ရေရှည်တကယ်လိုအပ်တဲ့အရာတွေလား….-- ဆိုတဲ့ View-လေးပဲ…။
………………………………………………………………………………………………………………..
ကိုယ့်ထက် သာတဲ့သူတွေကိုကြည့်ပြီး ကိုယ့်မာနတွေကို ချိုးနှိမ်ရမှာဖြစ်သလို၊
ကိုယ့်ထက်နိမ့်ကျသူတွေကို မြင်တဲ့အခါမှာလည်း ကိုယ့်ရဲ့သိမ်ငယ်မှုတွေကို
ထိန်းသိမ်းနိုင်ရမယ်။ စဉ်းစားကြည့်ရင် စစ်ဘေးဒုက္ခရောက်နေသူတွေထက်တော့
တို့တတွေ အများကြီးချမ်းသာကြပါတယ်။
…………………………………………………………………………………………………………………………….
ရှင်ဘုရင်လုပ်ဖို့ ရည်ရွယ်ထားပြီး ဂျိုးရုပ်လေးတစ်ခုအတွက်
ငိုကြွေးနေမယ်ဆိုရင် တန်သလား-လို့ ကိုယ့်ကိုယ်ကိုပြန်မေးကြရမယ်။
တစ်ကျပ်ဆုံးရှုံးတာနဲ့ တစ်ရာဖိုးလောက်ကြေကွဲနေတာတွေကို မြင်ရတော့
တော်တော်သနားမိတယ်။…………………….
…………………………………………………………………………………………………………………………….
မွေးတုန်းက ဘာမှပါမလာခဲ့ဘူး…။ အခုချိန်သေဆုံးသွားမယ်ဆိုရင်တောင် လူ့လောကရဲ့
အတွေ့အကြုံလေးတွေဟာ တို့အတွက်အမြတ်ပေါ့..။ တစ်ခုတော့ရှိတယ်…
အသက်ရှူရုံသက်သက် ကမ္ဘာမြေပြင်ပေါ် ရောက်လာကြတာဆိုရင်တော့………………………………….
အရှင်ပဏ္ဍိတ(ဒေါင်းဖြူ)
No comments:
Post a Comment