WinRAR ဖြင့် ဖိုင်များ အပိုင်းခွဲနည်း

ဒီလုပ်နည်းက Blogger တွေအတွက်တင် မကပဲ တခြား အသုံးပြုသူများအတွက်ပါ လိုအပ်တဲ့ နည်းလေးပါ..။ ဥပမာ နိုင်ငံခြားမှာ ရိုက်ထားတဲ့ မိမိတို့ရဲ့ Video ဖိုင်လေးကို တခြားလူတွေ မသိစေချင်လို့ Gmail ကနေ ပို့မယ်ဆိုရင်တော့ အဲ့ဒီ Video ဖိုင်ကို 20 MB စီနဲ့ ခွဲပြီး ပို့ပေးလို့ ရပါတယ်..။ Gmail မှာက 25 MB ကျော်ရင် Upload တင်လို့ မရပါဘူး..။ ဒါကြောင့် Video ဖိုင်တွေကို 20 MB စီ ခွဲတင်ရမှာပါ..။

ကျနော်တို့ Blogger တွေအတွက်လည်း ဒီအတိုင်းပါပဲ..။ ကျနော်တို့ အသုံးပြုနေတဲ့ ဖရီး Upload ဆိုဒ်တွေက အများဆုံး 200 MB နဲ့ 250 MB လောက်စီပဲ ဖိုင်တွေ တင်လို့ ရတာပါ..။ ဒါကြောင့် 1 GB ရှိတဲ့ ဖိုင်တွေဆိုရင် 200 MB သို့မဟုတ် 100 MB စီခွဲပြီး တင်ပေးရတာပါ..။ ခွဲတင်ပေးထားတဲ့ ဖိုင်တွေ အားလုံးဒေါင်းယူပြီးရင်တော့ ဖိုဒါအလွတ်တခု ဖန်တီးပြီး အပိုင်းအားလုံးစုထည့် အပိုင်း-၁ (part1) ကနေ ဖိုင်ဖြည်ချပေးလိုက်ရင် ကျန်တဲ့အပိုင်းတွေပါ အလိုလို လိုက်ပြည်သွားလို့ ဖိုင်တခုလုံး ပေါင်းပြီးသားလေးကို ရရှိပါတယ်..။ ဒီနည်းနဲ့ အားလုံးအဆင်ပြေနေကျတာပါ..။ လုပ်နည်းကလည်း လွယ်ပါတယ်..။ လိုအပ်တဲ့ သူများကတော့ အောက်မှာ ပုံလေးတွေနဲ့ ဆက်ကြည့်လိုက်ပါဗျာ..။

ဒီပိုစ့်မှာတော့ ကျနော် 276 MB ရှိတဲ့ Photoshop CS6 ဖိုင်ကို WinRAR နဲ့ ဖိုင်ခွဲပြထားပါတယ်..။ ကျနော်တို့ ရေးပေးချင်တဲ့ စာတွေကို Notepad နဲ့ ရေးပေးပြီး ဖိုင်တခုထဲကို စုပေါင်းထည့်လိုက်ပါတယ်..။ ပြီးမှ ဖိုင်အပြင်ကနေ WinRAR နဲ့ ဖိုင်ခွဲချလိုက်တာပါ..။ အောက်ကပုံလေးတွေ အတိုင်းပါ..။

WinRAR နဲ့ စပြီး ဖိုင်ချုပ်တဲ့ အချိန်မှာ မိမိတို့ ခွဲထုတ်ချင်တဲ့ ဖိုင်ဆိုဒ် MB ကို အောက်ကအဆင့်မှာ ရွေးပေးရမှာပါ..။ မျှားပြထားတဲ့ နေရာမှာ 100 MB / 700 MB စသဖြင့် အရင်ယူလိုက်ပါတယ်..။ ပြီးမှ မိမိတို့ ခွဲထုတ်ချင်တဲ့ ဖိုင်ဆိုဒ်ကို ပြန်ရေးထည့်လိုက်ပါ..။ အောက်ကပုံမှာ ကျနော်ယူထားတဲ့ 100 MB ကနေ 50 MB လို့ ပြန်ပြောင်းရေးထည့်လိုက်ပါတယ်..။

ကျနော် 50 MB စီရှိတဲ့ အပိုင်းတွေ ခွဲထုတ်မှာပါ..။ အပေါ်ပုံအတိုင်း 50 MB ပြီးရင် OK နှိပ်ပေးလိုက်ပါတယ်..။ အောက်ကပုံကတော့ စပြီး ဖိုင်တွေခွဲထုတ်ပေးနေပါပြီ..။

 အပေါ်ပုံအတိုင်း 50 MB စီရှိတဲ့ အပိုင်း ၆-ပိုင်း ထွက်လာပါတယ်..။ နောက်ဆုံးအပိုင်းကတော့ ပိုသလောက်ကိုပဲ ခွဲပေးတာပါ..။ ဒါကြောင့် အောက်ကပုံအတိုင်း မြင်ရမှာပါ..။

ဖိုင်တွေ ပြန်ပေါင်းရင်တော့ အောက်ကပုံမှာ ပြထားတဲ့အတိုင်း part1 ကနေ ဖြည်ချလိုက်ရင် ရသွားပါပြီ..။  

 ဒါဆိုရင်တော့ အားလုံးပဲ WinRAR နဲ့ ဖိုင်တွေခွဲပြီး ဖိုင်တွေ ပြန်ပေါင်းတတ်သွားပါပြီ..။ အားလုံးပဲ လုပ်တတ်ကိုင်တတ်၍ အဆင်ပြေကြပါစေဗျာ..။

လွင်မင်းဗိုလ် ဆိုက်မှ ပြန်လည်မျှဝေပါသည် ...

စာဖတ်သူအတွက် နည်းပညာလေးတစ်ခုရသွားရင် ပြန်လည်မျှဝေရကြိုးနပ်ပါပြီ....